Lauba Ślonsko

Zaproszynie do konkursu literackiego w Gwarze Śląskiej

Hanys — Sat, 24 Jul 2010 00:31:53 +0000

Serdecznie zapraszamy do udziału w II Regionalnym Konkursie Literackim
w Gwarze Śląskiej
pt. „Nasze przoci”, odbywającego się w ramach VI Festiwalu Kultury
Śląskiej.

Wystarczy napisać wiersz lub krótkie opowiadanie na temat „Nasze przoci”
napisanych w gwarze śląskiej i przesłać w terminie do 28 lipca w trzech
egzemplarzach na adres : Miejska Biblioteka Publiczna w Jastrzębiu
Zdroju, ul. Wielkopolska 1a, 44-335 Jastrzębie Zdrój

PRZEWIDUJE SIĘ TRZY NAGRODY RZECZOWE KAŻDA O WARTOŚCI 300 ZŁ.

Szczegółowy regulamin konkursu dostępny na stronie internetowej
www.mbp.jasnet.pl oraz we wszystkich placówkach Miejskiej Biblioteki
Publicznej w Jastrzębiu Zdroju

Karolina Wróżek
Miejska Biblioteka Publiczna w Jastrzębiu Zdroju
Dział komunikacji
biblioteka_cee@pro.onet.pl

Fojerman-Jadymy

Hanys — Tue, 20 Jul 2010 21:23:53 +0000

2010.07.16

Jadymy

Świat wartko sie krynci.

Pod wiela sóm chynci,

Jadymy!

Pod wiela nóm chce sie.

Co jutro prziniesie?

Nie wiymy!

Choć robisz za trzech.

Jo ostrzegoł żech

cie chłopie:

Nie starej sie, życi

same ci do rzici

nakopie.

Tóż ruszej przed siebie,

o wodzie i chlebie.

Do przodu!

Trza przeżyć przigoda.

Przespać życi szkoda,

za młodu.

Na głowie włos siwy,

i trochaś już krziwy?

Dyć szalej.

W auto wsodź rodzinka,

kup se piwka krzinka

i wcale.

Nie chodź do aptyki,

odstow wszystki lyko,

dochtora.

Posłóchać chciyj mie,

że to jeszcze nie

ta pora!

Na starość o kryczce,

za piecym na ryczce

spóminosz,

O tych downych latach,

ale czasu na to

już ni mosz.

Pod wiela dosz rady,

trzimej sie zasady:

Jadymy!

Fojerman

Tereska – Przonie to ważno rzecz.

Hanys — Thu, 08 Jul 2010 22:08:18 +0000

Przonie to ważno rzecz.

1.
Przyfurgo niy wiadomo czymu i skond.
A może przyszła już pora?
Zbalamonci uczucia, zakrynci myślami,
Dodo życio…
Zawonio azaliami.
Ukryte pragniynie
Poznanie…
Ach…to miłowanie!!

2.
Przonie moje
mocne i woniajonce
jak fijołki…
Niyodgadnione
niyzgłymbione
tajymnicze…

Piyrwsze przonie jest świynte i czyste…..
To ckniynie, drzynie….

Tereska

Tereska – 1 listopad i Rzykanie na Nowy Rok

Hanys — Thu, 08 Jul 2010 22:02:16 +0000

1 listopad

Daleko czasym
Swiatelko zniknie
Taki wiotkie jak dusza.

To z nieba krople
Zimne slatujom
A pamiync mie zmusza.

By ozywic gasnoncy plomiyn
I chronic wspomniynie
Przed kropla zapomniynia.

I rzykanie:
Rzykanie na Nowy Rok

Niech Ci bydzie chwała,Panie cołkigo świata,
Dziynki Ci, że doczkali my nowego lata.
I dej nom, by my sie chcieli sami odnowić,
Wyciepnoć wszystki grzechy, i w miłości żyć.

Pobłogosław Ślonskowi z Twej łaskawości,
By wszyscy mieli na tyj ziymi moc radości.
Niech ni ma tukej głodu i niczego złego,
Dej nom wszystko dobre z miłosiyrdzia swego.

Tereska – Tristia – Gornikum…

Hanys — Thu, 08 Jul 2010 21:50:50 +0000

Tristia – Gornikum…

I zas w kupie jak ptoki,
pofurgali wysoko do nieba,
Czymu,po co?? Bezsens…

Niyjydnymu swiat sie rozpod.
Czego sie chycic?Kaj isc?
Niy poradzom nawet spytac….

Placz,pociyrz,milczynie…
Osierocyni,zrozpaczyni
slyszom slowa,kiere nic niy znaczom….

Sza….Cisza!, sluchej…
Czy doczko sie cudu?
Niy zapomniyj, kiej nadyndzie czas

Tereska

Tereska – taki moj limeryk

Hanys — Thu, 08 Jul 2010 21:48:02 +0000

Paniczka modo z Rudy ciyngiym za wiela godo.
Starszo lo tym mysli:czymu tak ta rzegoto?
I jyj radzi :lepij uwazac z jynzorym,
bo i tak niy bydziesz myntorym.
Co nojwyzyj lostaniesz antywzorym.

Tereska