Przeca musisz sie szanować

Przisztopuj trocha człowieku
niy bydymy się czarować
rob pomału i po leku
przeca musisz sie szanowć

Zdrowi niy te coś szwankuje
szłapy bolom gowa boli
w krziżu strziko w boku kuje
i cośik w pojstrzodku poli

Ledwo zipiesz luftu ni ma
palce krziwe łod roboty
przed łoczmi yno cima
niy mosz czasu na gupoty

A serduszko wartko klupie
bo se zdrowio niy szanujesz
toż sie łopamiyntej strupie
bo nom zaroz wykitujesz

R.SOBIK

Z wiochy do stolicy

Godo baba do somsiadki
-w końcu żech sie powożyła,
jada dzisiej do stolicy
za dłogo żech na wsi była.

Nojpiyrw pójda do opery
kaj piykne śpiywki śpiywajom,
siedna wygodnie na stołku
bo tam yno taki majom.

Zamowia spani w hotelu,
zjym śniodani w restauracji,
pojada se do marketu
wysiedna w metrze na stacji.

Gorko kawa se wypija
kulturalnie w modnym klubie,
pójda tyż do frizjera
byda robić to co lubia.-

Tydziyń baba wytrzimała
nazot s tobołami wraco,
pado- wszystko taki drogi
żyć sie w mieście niy opłaco.

Tam trza mieć kupa piyniyndzy
i trza płacić za hotele,
tukej na wsi jo je paniom
i sama se łożko ściela.

W mieście kina i opery,
srogi sale koncertowe,
na wsi ptoszki nom śpiywajom
a koncerty som darmowe.

Momy tyż wiela atrakcji,
luft czysty jak płaczki w łoku,
w mieście sztyjc mje wytykali
je żeś z wiochy ty ćućmoku.-

Renia

Skond dudek mo czubek

Czy wtoś z Was tu roztomili
na pytani to odpowiy,
co to za ptok kerymu czub
stoji jak byrszta na gowie.

Podejrzywom moji bajtle,
że tyn śmiyszny ptok to dudek,
yno nie wiym po co nosi
na gowie tyn fajny czubek.

Skond u dudka taki czubek,
jak sie znod na ptasij gowie,
czy go yno majom dudki
monej wtoś mi tera powiy.

Echo ze wsi klachy niesie,
że dudki czubow ni miały,
że sie czegoś wylynkały
i z tego czuby dostały.

Kiedy indzi staro sroka
na colutki las skrzeczała,
że to starka dudka kiedyś
za chopa fryzjera miała.

I to łon tak dlo reklamy
pióra dudkom w czub postawioł,
a potym takim lakierym
twardym do kudeł  poprawioł.

R.SOBIK

By Katyń ocalił pamięć

Ocalała z pożogi
samotna w katyńskim lesie
po kim tak płaczesz żałośnie
że szloch po ziemi się niesie

Dlaczego tylko ty jedna
pośród żywych zostałaś
powiedz ach powiedz brzozo
co w ten poranek widziałaś

Widziałam orła białego
nim spadł na ziemię z chmury
widziałam polskie kwiaty
płaczące kroplami purpury

Widziałam dusze ofiar
Anioł wzniósł je do nieba
widziałam ognistą tęczę
po której szli do Boga

A teraz  na tych zgliszczach
rozpacz się błąka wśród ciszy
by Katyń ocalił pamięć
o której świat usłyszał

R.SOBIK

Nieszczęsna Ziemia

Gdyby tak prochy Ojców dziadków
przemówić mogły po latach milczenia
nawet najbardziej zatwardziałym
pękło by serce z ogromu cierpienia

Pamięć co zwykle krótką bywa
tu w lasku katyńskim z grobu wstała
na nią czekały rodziny ofiar
by  prawda szczera w nas dojrzała

Teraz gdy nadszedł czas ku temu
by dług wobec niej był spłacony
niebo z rozpaczy płacze łzami
bo las powtórnie krwią zroszony

I nam wyroki zły los pisze
cierpieniem którego nic nie zmieni
kiedy ból jęki konających
echo poniosło ku polskiej ziemi

Podstępnie na listę swe ofiary
nieszczęsna  ziemia znów wciągnęła
Katyń podwójnym symbolem męczeństwa
którym ta ziemia się okryła

R.SOBIK

Babski comber

Posłuchejcie wszystki chopy

nasze baby świynto majom

ledwie stanyły ze łożek

a już szranki łotwiyrajom

/

Kopiom we szmatach jak te kury

kiecki klajdy wyciepujom

przimierzjom łoblykajom

i na fajer sie szykujom

/

A my chopy nieboroki

co robić dzisiej bydymy

jakiś geszynk jakiś kwiotek

tyn roz kupić im mogymy

/

Somsiod pado non to po co

co niy mieści mi sie w pale

przeca nasza chopsko duma

nie uciyrpi na tym wcale

/

No i jeszcze wom dopowiym

nom zawodzać to niy bydzie

jak we fajer jedna z drugom

tak kajś po połnocy przidzie

/

Za to potym bez rok cołki

bydom  na klachach godały

za jakich to dobrych chopow

łone baby sie wydały

/