Renia-Życzenia łod bajtli

Written by Hanys on Maj 23rd, 2010

Życzenia łod bajtli

Dlo Mamy namaluja
niebo i gwiozd tysionce,
łogrodek cołki w kwiotkach
i jeszcze do tego słońce.
Miesionczek keryn sie śmieje,
serduszko taaaki duże,
i piyknie je ozdobia
we trzi czerwone róże,
bo yno te kwiotki wiedzom
jak gorko kochom Mama
i życza ji żeby na staroś
nigdy nie była sama,
a moji małe serduszko
niech dlo ni cołki czas bije,
dycki we zdrowiu i szczynściu
ze sto lot i wiyncy nom żyje