Mały – Nadyjście wiosny

Written by Hanys on Marzec 17th, 2010

Nadyjście wiosny.

Wiosna sie zbliżo srogimi krokami,

robi sie ciepli na dworze -

mómy półowa już marca,

zima sie wrócić niy może.

Wiosna idzie,

cieszy sie mały i wiely,

bo trza to prziznać – w tym roku,

zimy za dużo my mieli.

We parku i na łogródku,

zielono po leku jest trowa,

wszystko bónte sie robi,

życie sie budzi łod nowa.

Zwierzynta lotajóm po lasach,

a ptoki ćwiyrkajóm we gaju -

bo przilecieli już nazod,

ze rajzy, z ciepłego kraju.

Ze ziymi wyłażóm kwiotki,

na drzewach widac już pónki,

WIOSNO ! jo ciesza sie, że idziesz,

niy żałuja ze zimóm rozłónki.

Ludzie powinni sie dopasować,

tak to już je łod wjeków,

po zimje wiosna przichodzi,

tóż ciesz sie richtich czowieku.

Łostow tak ta prziroda,

Weź przikład ze fauny i flory -

Niy ingeruj, niy mjyszej, uważej !!!

By niy był tyn świat bardzij chory.

Mały(Andy).

Posted in Mały-Andy |

Both comments and pings are currently closed.

Komyntarze wyłonczone.

Lauba Ślonsko