Renia – Ludzie ludzie tłosty czwortek

Written by Hanys on Luty 11th, 2010

Ludzie ludzie tłosty czwortek

Ludzie, ludzie czwortek momy,

nie tyn zwykły ale tłosty,

baby piekom fory krepli

na bok idom dzisiej woszty.

Kaj yno sie niy łobejrzisz

coż to sie wyrobio w świecie,

tam sie do nas kreple śmiejom

czy w cukierni czy markecie.

Rozmajite zorty kuszom,

ze pudingiym z marmeladom,

do wyboru do koloru

jydzcie kreple jo wom padom.

Bo we środa popielcowo,

krepla już niy dostaniecie

yno chlyb ze suchom skorkom

szolkom wody popijecie.

Korzystejcie tera z tego,

że możecie jeś do woli,

to nic że kalorji wiela

i żołondek trocha boli.

Renia Sobik

Posted in Renia |

Both comments and pings are currently closed.

Komyntarze wyłonczone.

Lauba Ślonsko