Nasi starziki
Na tym mojim czornym Śląsku
mieszkom se jak jakiś Pon,
po starce dostołech w wianie
łod szkod popynkany dom.
Ta chałupa je mojim życiym
bo tu swoji miejsce mom,
taki mały konszczek nieba
keryn swojim dzieckom dom..
Tukej w kożdym koncie czuja
jak starka na mje filuje,
żebych s gruby prziszoł cały
łona s nieba mje wachuje.
Starzik za to we chodniku
je sy mnom we kożdy dziyń,
pomogo fedrować wongiel
jo to czuja jo to wiym….
Taki już tyn ślonski narod
łod pradziada godom wom,
pszaje grubie, familiji,
bez toż nigdy ni mach som…
Dycko sy mnom som starziki
choć żech stary bajtel je,
Łoni w niebie jo na ziymi
i niy ma nom wcale źle.
R.SOBIK
GALOPL.PL vortal miłośników koni
Giskana Fojermana
Majowe fotografije
Norbert z Fryny
SLONSKY RADIO
Utopkowa zegrodka