Gołymbiorze
Jak dziś pamiyntom tyn dziyń styczniowy
kieryn w pamiynci dycko łostanie
we telewizorze leciały skoki
i to przeczuci że sie coś stanie
A w sercu Ślonska jakoś wystawa
gołymbi jak mi somsiedzi godali
Łoni chowali te piykne ptaki
toż wszyjscy jak jedyn tam pojechali
To przeca były Jich małe bajtle
na kierych bez lato na miedzy czekali
łod kogo przileci ze lotow piyrszy
ło halba piwko sie zakłodali
Ponboczek czuwoł nad nimi we tyn dziyń
bo wiedzioł że chłopy tym ptokom pszajom
za tych piyrzastych krzidkatych kamratow
serce i dusza i życi łoddajom
Nie wszyjscy jednako mieli te szczyńści
i już na dycko tukej łostali
pod tym betonym co Jich przywaloł
s gołombiym do końca sztama trzimali
R.SOBIK