Zasmolone zaćmiyni

Strona główna wróć

Niemcy 11.08.1999 r.

Moi Roztomili

Jo je na te zasmolone zaćmiyni okropnie obrażono. Zaś nas wypuściyli. Jo myśla, że to je naprowda sprawka tych łoptykow. A było tak.

W nocy jużech spać ni mogła, Ojgyń charczoł, jak piyła do drzewa, no to nie prziszło mi nic inkszego yno se wzionć tabletka. Skuli tej tabletki zaspałach do roboty, ale że mój szef mo urlop, to żech nie podpadła.
Na szczynści świyciyło słonce i nic nie zapowiadalo KATASTROFY. Do pół dwanostej. Potym te pieruński łoptyki zadzwoniyły po chmury, zaciongli niebo i jeszcze z wiyrchu polywali wodom, żeby se ludzie te nowe brele popsuli i na prziszły roz musieli kupić nowe!!!
A jooo, kule, stoja ganc nerwowo w tym mojim zakredowanym kolku JEDYNO na całym placu. I mokna. To sie godo SABOTAŻ na CAŁEJ LINII. A fuuuuuj!

Jednym słowym nie żałuj Maryś, żeś nie był w Brymie, bo byś g... widzioł, tak samo, jak u Was.

I teroz zło jak sto pieronów ida ćwiczyc aerobik, mono mi przyjndzie.

Wasza (zlo) Danka 11.08.99
Waszo Danka