Z Mazur

Strona główna

Witejcie, czesc i czolym !!! ...ale co to za życie, bez piwa i gorzolki zamiost sniodanio ?!

Zanim ciepna swoja wersjo mazurskich przezyc, chciolbych podziynkowac wszystkim co byli we Gwarku za to ze byli, ze piwo pjyli, i ze sie tym spotkanim monyj niy mynij jak jo ucieszyli i zabawjyli ! 

 

 WJM - Anton, Majtek srana pucuje poklad,  Ed jeszcze pogwizduje w koi

 

Na Mazurach bylo zima. Nawet fest zima ! Zaloga miolech po byku, wszystek coch nagarusiyl i porozlywol, zawsze piyknie Anton z Mariuszym posprzontali. Z tego mrozu spolech malo, a i koszmary mje niy opuszczaly. Sztyc mi sie sniylo, ze kierys o sternikach leserach rozprawio ale po przebudzeniu widziolech zaroz, ze to ni moze byc prowda, bo te robotne synki zaroz o osmej rano pomogali mi otworzyc puszka z piwym ! Jak rynka przestowala dygotac, szlo juz utrzimac i nie wyloc kieliszka, to nawet naloli miarka. Robotne jak pieron ! Potym robjyli my narada kiery pieron tu wplynyl i jak z tego garusu bez pomocy dzwiga czy holownika wylyzc ? Ale po kieryms piwie czy miarce problym znikol do nastympnego "sniodanio" . Oni zresztom sniodanio jedli, a nawet na zbytki sie ciepali i mieli deser z szokuladow, co Anton Aldika ze sobom pywiozl ! Zniszczyli tego moc ! 
 
Wiater byl fest i po trzech dniach musiolech oblyc czworte galoty, tak wiolo ze wszystek knefle mi pourowalo ! Na czworty dziyn chopy zaczonli sie u mje i u sia doszukiwac objawow miazdzycy ( taki chorobsko szpetne ), bo bas od piwa zaczon nom mjazdzyc jaja !!! Ale zmartwiyni przeszlo jak rynkom odyjmnyc, bo komandor ciepnyl haslo : chop z malymi jajami to facet z ikrom !!! Te moji zaloganty tak sie to do sia wziynli, ze ... Na Mikolajskim poszolech spac i kozolech im plynyc za jednom z naszych lodek, co by sie njy stracili. Jeszcze mje koszmary o leserach niy zdonzyly dopasc, a te pjerony mje budzom: Ed, my ich wszystkich wyregaciyli, som my piyrwsi i niy wjymy kaj plynyc !!! W koncu zech usnyl a przi budzyniu stwierdzilech obecnosc garca na glowie i dwoch nozy w plecach. Tak wyrobjala naszo kuchnia przelatujonc tam i nazot na moja koja ! Pytom sie tych majtkow skond to pyrtani i fala, kaj my som i kiedy podzie kufel na szynkwasie postawic ? Tos ty colki Sniardwy z atlantyckom falom przespol...mje rzekli z szelmowskim usmjychym lobmazanym aldikowskom szekuladom ! Trzimom peruka, w drugij rynce puszka na przebudzyni, wyglondom na poklad ...i rychtyg ze Sniardwow idymy do najblizszego baru obloc tyn ewenymynt. 
Kierys wjeczor byla zas knajpa i wsciekle psy ( gorzolka, sok malinowy i tobasco ) a jakos pierdola doczytol sie na glos w gazecie ...ze alkohol zabija powoli !!!? I taki jedyn ryknyl przez calo sala : o kieryj pani zawjyro, bo my momy czas ! We sluzie Guzianka oplata komandor pozbjyrol podwojnie i sluzowymu padol, co by cieplyj wody dopuscil, bo nos we fuzekle uziombo ! I tak do kupy to som niy wiym czamu mom zolondek oberwany ? Ze smjychu, piwa, gorzoly abo jeszcze skuli czego inkszego. Jedno wjym za to po pewnioku, za rok plynymy zas !!!
 
Oprocz mapy, koszulek, kozdy dostol od komandora tako plyta cd-ika, co Chris tyz pjyknie umi robic.
I na koniec ciepna NOM wszystkim haslo z okladki :
 
                                  Pamietaj, ze nie jest zmarnowany czas,
                          po ktorym ludzie stają sie lepszymi
                                                          przyjaciolmi.
 
Nom, bo krzinkowicze, zeglorze, insze ferajny...liczy sie byc razym, obcowac ze sobom i cieszyc sie z tego, ze byc mogymy...
 
Za krotko relacjo z Mazur podpisany : ED  

Tylko się nie śmiej!