Szopka3-4

Strona główna wróć

New York  piatek 29 grudzien 23:30
WWW

.. juz bez Wos zyc nie idzie!!!! Chociaz roboty po same uszy to roz na dzien
kukna do "naszych" coby ino uslyszec co sie z Womi dzieje. Zawsze se
przyobiecuja,ze jak ino  do dom przyjda to wszystkim odpisza. No ale psinco,
to sie tak ino godo bo jak wroca do dom to zas inne roboty na mnie czekaja i
zas odkladam na potem.


Ale dzisiaj juz zech richtig nie strzymala
Jak zech Edulika "Betlejka" czytala.

  Podziwialach zech Cie bos to tak to fajnie ulozyl
  Az tu nagle we mnie zamarly duch poety odzyl.

Edulik jak juz do Betlejki nos tak wesolo prowadzisz
To Jo za Toba ciagna kamratow co rzadko tu uwidzisz.

  Pamietocie naszo Kadrowo, szwarny, Zgobnik kochany
  Ona to nos w moralnosci trzymala, przydzielila fach wyuczony.

Francik goscina serdeczna coroku przygotowuje
Serca i szczerosci nikomu u niego nie brakuje.

  Janek Staro Maszyna, utalentowany wraz ze swoim synem
  Nom tyz piesniczki durs spiewali i zablysneli swym talentem.

Karlik tyz z Hameryki co kiedys tu durs zaglondol
Codziennie z nami fedrowol i innych na sila przyciagnol.

  Sosna z Nowej Zelandli tak uczono, piknie osprawiol
  Nowy swiat, obyczaje do nos jak wiatr szalony przywiol.

Niezapomnijmy tyz naszych kamratow nowych
Usia moja kochano, Jozek, Irenko i wszystkich innych.

   Jak tak przed Betlejka my Krzynkowicze stoimy
   Naszo Nadzwyczajno Przyjazn Malenkiemu ofiarujmy!

Czy fto wierzy w betlejemsko moc czy uwazo to za bzdury
Kazdy przyznac musi ze naszo Slasko Przyjazn to cud natury!!!!

....pszaja Wom bardzoooooooooo Barborka
Krzinkowo Betlyjka

Krzinkowicze do Betlyjki spieszom

Dziecionteczku malymu piykne dary niesom

Idom dziolchy szumnie wystrojone

A karlusy za niymi swiyzo logolone.

Som miyndzy nimi prowdziwe dochtory,

Filozofy, architekty, no i profesory.

Som tyz kapelonki, faroze i wielki grzyszniki

A dyc to same Slonzoki, nasze synki zberezniki

Jednego Gorola smyczom za sobom na lozdoba

Coby ich slonsko godka poprawiol kele zloba.

Wszyscy sie sjechali ze wielkigo swiata

Powitac Jezusiczka i poznac swojigo kamrata.

Toz maszyruje na samym poczontku

Manius ze plachtom “Beromy po slonsku“

Ze swoim oslym co niy ruszo lebom

Gerus Saherski tuz za nim pobiezo.

Ze kufkom piwa i swoim Eisberym

Bruno coby sie tu niy chyciol yno z kerym.

A za nim zarozki ze wielkom na tyce fanom

Idzie JoAchim na keryj stoji napisano:

Pax Vobiscum, Pokoj z Wami i Salaam alejkum

Radujmy sie wszyscy naszom Betlyjkom.

Wszyscy som radzi gymbiczki sie smiejom

Do szkloneczek Marijankowe grzone wino lejom.

 

Edulik tyz na czas zdonzyl przifurgac z Kanady

Mysli se jak to fajnie co dzisioj nima sam swady

Niesie ze sobom ze klonowym listkym bera

Coby dzieciontko tyz sie tak radowalo jak Franckowo cera.

ZM tyz zdonzyl na czas, slonsko- szwajcarski Janosik

Kerymu sie zawdy we krzini niy widzialo cosik.

Loroz w lufcie rozlygo sie glosne bzykani

Ludkowie mili sam niy czas na wielki klachani

Czas do Betlylki pospieszyc gibko w podskoku

Coby “syns zycio“ poznac jeszcze we Starym Roku.

We Nowym Roku bierymy sie nazot za polityka

Bo je to tako pierzinym lognisto motyka

Muszymy jom chopy chycic richtig za te kecury

Co nos sam inksi niy bydom lobdzierac ze skory.

Wszystki patrzom na wiyrch kto tak festelnie bzyko

A to przeca Mirek przileciol ze swojom muzykom.

Na to Francik lodzywo sie colkim spokojnie

Jo tam juz wola niy godac lo tyj wielkij wojnie

Wola Wom lepi losprowiac pora wicow dycki:

Lo Maryjce co na randka zabyla wzionsc cycki,

Lo szlapach we lozku i ginykologach

Lo malyrzach , gorolach i laryngologach.

Mosz tyz chopie szczynsci Achim na to pado

Dom Ci we tyj anatomiji pora dobrych radow.

Zanim jednak loczon pouczac Francika

Loboczol na zadku skromnygo Zeflika

A tyn co tu szuko, pewnikym tu zas na Cila czeko

Czekej chopie zarozki Ci pokoza, niy bydzie Ci lekko

Siyngnol rynkom do kapsy z keryj to wyciognol

Piync wyrwanych zymbow i zymsta przisiongnol

Z wielkom nerwom ciepnol te zymbska Zefkowi pod nogi

Ciepionc je padol :wzywom Cie do walki moj drogi

Ty sam naszyj Cile niy bydziesz bamonciol

Zarozki sie ku tyj chaji Pyjter i Sigus przilonczol .

A Zeflik niy gupi lotwar swoja tasza i pado lo britku

Tak sie niy bydzie godalo lo Zefku Klepitku

Dziwo sie do tyj tasze ciekawo Cila i Krista tyz

Co tam ruszo, a to malo wyzgierno mysz

Wzion zech ta mysz Dziecionteczku w dorze

Niy wiedzonc lo tym co sie sam Achim pokorze

Toz wyboczcie mi zato Jezusiczku zloty

Ale jo sam niy chca miec taki klopoty.

Slyszonc to Achim pryndko pozbiyrol te zymby

Ach pado Zefku lepij wlejymy se co do gymby

Na to Zefek : to nalyj sam na ta zgoda

A po pysku dostanymy lod Erwinka loba.

Tyn pochod do Betlyjki jest jesze bardzo dlugi

Idzie Jacek Ryszaka, i Chris jedyn i drugi

Tyn piyrszy niesie lod Eichyndorfa wizerunek

A tyn drugi colkim niyzly slonski trunek

Bernat w krotkich galotkach made in Australia.

W bojtlu na plecach drzemie malo naprano koala

Na powrozku smyczy kangurka malego

Wszystko to je do Dzycionteczka milego.

Patrzom ludziska co to do piernika

Na wielkim trojanskim koniu z Rybnika

Foter Pustolka Roman rajtuje

I wszystkim kamratom piyknie winszuje

Zyczy nom wszystkim bez lobowionzku

Duzo dobrego i rychtig po slonsku.

Zas jego synek ED Marsyljanka spiywo

A Francek mu na gitarze przigrywo.

ED tyz mo w kapsie prowdziwe francuski parfiny

A szaty do Dzieciontka prosto lod Ricci Niny.

Hanys leci z wielkom Miskom zuru

Pojydz Dzieciontko bydziesz chop z muru

Brakuje yno jeszcze utopka Bogdana

Spiywomy sami oj dana nasza Dana .

Barborka z wielkom tytkom prosto lod Jorgusia

Po drodze tyz niy zapomniala wzionsc ze sobom Usia

Piykne dziolchy te slonski Hamerykonki

A co tam we tytce majom no tyz podaronki!

Pelno tyta kartkow niy policzonych przi glosowaniu

Wziyny ze sobom coby na zlosc zrobic Hamerykanom.

Barborka mo jeszcze lod nowojorskij Damy statulka

A Usia z Chicago kulo do Betlyjki wielko sniygu kulka.

Rydoltowioki za niymi poustawiali sie porami

Roman Z. ze piyknom babom z modrymi slypkami.

Leszek J. przikludziol gryfno frela prosto z Warszawy

Pieronie czy lon ze Slonska chce luciec kozdy je ciekawy?

Przeca sam we Gwarku niy mogymy lostac sami

Zastonow sie Leszek chcesz sie uzyrac z gorolami?

Za Leszkym i jego szykownom Warszawiankom idom

Irka dokupy ze swojom kamratkom Fridom

Niesom klotka z piyknistymi zielonymi cilipami

Frida pado ale my som rade co mogymy isc z Wami.

Keby sie nom ta klotka smiescieyla do bagaznika

To by my prziwiozly Dzieciontku TT Audika.

Logromnie wielko je ta nasza krzinkowo rodzinka

I coby wszystkich policzyc cza by jeszcze chwilka.

Bezto chca pedziec tym gryfnym frelkom i karlusom

Co na dalszy lopis na bezrok zas zaczekac se muszom.

Irka