Ni regulamin, ale Netykieta:

Strona główna wróć

 

Regulamin klubowej krzynki!

Roman proponuje stosować takie zasady:

1/ list  może być większy jak 100 Kb... ino zwarzejcie na to, BO jest ograniczenie na 200 Kb, przyp.. Manius!
2/ list do skrzinki  "slask" musi poruszać tematy ogólne które wszystkich będą intersowały
3/ niedopuszczalne będzie takie pismo, że w nim jest prywatno korespodencjo między dwoma "skrzinkowiczami" a wysłane jest do wszystkich
4/. załączamy co najwyżej jedno foto 50 Kb, ale tak aby całość nie miała więcej jak 100 Kb
5/. jeśli Ktoś te zasady naruszy w sposób nieprzyzwoity, naliczana będzie kara - upomnienie, nagana a gdy to się powtórzy po raz trzeci to stawio skrzinka abo i dwie krzynki piwa na spotkaniu we Wiśle
6/. Kadrowo będzie prowadziła rejestr nagan i kar. 
7/. Każdy będzie mógl zawnioskować karę i zgłosić kadrowej do zapisania.
Żeby uniknonć niepotrzebnego zgorszynio. I w świecie internetowym obowionzuje savoir-vivre, tzn. istniejom przepisy dobrego wychowanio. Wiym, ze nikierzy nie som jeszcze tacy wrobiyni w tyn cały wirtualny świat, przez to niech sie poczytajom, jak sie zachowujom szpece.
To sie nazywo ni regulamin, ale Netiquette:
1. Logony: nie piszcie literow z ogonami, bo uzywomy roznych standardow, kiere nie zawsze umiom ich odcyfrowac. Piszcie bez ogonow - kozdy se ich jak chce moze potym dorobic, a teksty idzie czytac i bez nich.
2. Przywiyszki: do emailu mozna przylonczyc cale wiedeo-filmy. Ale jak mocie zamiar koniecznie wyslac wiadomosc, co mo trzy MB, napiszcie w linijce "Subject" na wiyrchu wskazowka, ze tak je. Odbiorca bydzie mog w tyn sposob som zadecydowac, czy 20 minut ladowanio jest mu za dlogo, czy ni.
3. Formaty: wiymy, ze w majlach idzie uzywac rozne rodzaje pisma, kolorki, wpisac zdjyncia itp. - ale odebranie ich wymago czasym pieronym wiela czasu, kiery odbiorca musi zaplacic. A nie wszystki programy umiom taki html-strony zinterpretowac. Przez to darujcie se ich lepij, chyba ze sie tak z odbiorcom osobiscie umowicie.
4. Cytaty: jak sie chce zacytowac konszczek emailu, co sie wczesnij dostalo, zeby umiec lepij odpowiedziec, wystarczy jedyn klik. Ale bydzcie tak uprzejmi i cytujcie rychtyk yno to, co je wazne. Bo kto dostowo chyntnie swoji wlasne maile, jako odpowiydz?
5. Odpowiedzi: nawet jak mocie malo czasu, odpisujcie na majle tak pryndko, jak to yno idzie. Abo przeslijcie krotko informacja, czamu nie umicie zarozki odpowiedziec. Prywatno korespondencjo mo byc przesylano na prywatne adresy - nie wszyscy muszom wiedziec, ze uwazocie swojigo szefa za swinia, a baba od kompla przichodzi do wos na kolano. Byc moze umiom to oni sami tez przeczytac?
6. Wielki litery: unikejcie pisanio calych zdan wielkimi literami. W internecie jest to uwazane za "opieprzyni" kogos i to dosc ostro!
7. Male litery: emajl, napisany caly malymi literami jest dowodym niechlujstwa i braku szacunku lo drugigo. Dopuszczalne jest pisaniy malymi literami yno w chatcie, bo tam sie rozchodzi o czas.
Stom skrzinkom piwa za kara mi sie podobo, ale ku tymu bycie przilozono zawsze flaszka szampana, bo kadrowo piwa nie pije. A takigo, co nom bydzie robiyl figle "wyfiltruje" sie z poczty, tzn. jego majle nie bydom mialy prawa wynsc do krzinki. Dura lex, sed lex (ciynzki prawa, ale prawa!).
Jakbyscie kiedy mieli jaki problymy z Waszymi majlami, programami abo komputrami zgloscie sie u mie, z pewnosciom byda wom umiala pomoc (to je moj zawod).

Danka - Kadrowo

8. Uzywac smileys z umiarym !