Pilot

Strona główna


Witom  Wos  piyknie. 

To bol teroz tref. Manius, jo i Bernat u Alojza w Szopiynicach znaczy sie u brata Bernata. Gerhard pedziol by trojok. Wszystko piyknie wic tyn polego na tym, ze Bernat z nami byl obecny na wideo kere som nagrol na lotnisku w Katowicach w 2000 roku, a nawet wszystko to nakrynciol w lufcie we fligrze jak lecieli z Alokiym. Jest to takie fajne, ze Manius chce to dac na nasze beranie. Lodymnie  dziynki mu za to. I nawet zrobil z Alokiem wywiad. Ale lo tym po tym moze Manius bydzie chciol cos naszkryflac. Terozki sie biera do Hanysa na Hacjenda, bo inni zaroz tam bydom.  


Chowcie sie Zenek.  

Piyknie Wos witom. 

Jak niydowno pisolech z Maniusiym my byli w doma u brata Bernata w Szopiynicach u Alojza Hajnisza. Prziwitol nos milo. Asio jest pilotym, drugim najstarszym w Polsce. Starszy lod niego ino jest jeszczy pilot w Rybniku. Asio nom godol lo swoich lotach i downych latach jak to bolo na Slonsku kiedy to z moim tacikiym grol w zespole na cyji. Loglondnyli my wideo nagrane przez Bernata w 2000 r. Wiycie bolo fajno atmosfera tak jagby Bernad bol z nami. Manius to wszystko nagrol i mo wlasny pomyslunek co z tym zrobic. 

Zrobilech przi tym zdjyncia i Wom je posylom. 
Na tym zdjynciu kaj jest Manius Bernat ujon na kamerze pilota to jest swojego brata kery prowadzi szybowiec a rewelacjom jest to ze ujon pilota, niebo-chmury i horyzont. 
W tym drugim ujynciu chyba poznajecie - no niy. Doklodom jedno zdjyncie na kerym Asio gro na cyji a na klawiyrze gro moj tacik ( taki maly leb wystaje z boku wele Lojzika). Musice prziznac Asio ( tak mu godajom ) wiela sie niy zmiyniol - pra.               

Toz na razie chowcie sie Zynek.

 
Trojok: Maniuœ, Bernat, Asio, foto Zenek S.
Trojok: Zenek, Bernat, Asio
Asio z moim tacikiym grol w zespole na cyji,
Film - podniebna perelka - zrealizowany przez Bernata i Alojzego Hajnisza.
To trzeba koniecznie lobejrzeć!

Dziynkuja Autorom za umozliwienie nam uczestnictwa w podniebnej wędrówce i Zenkowi, ze pierwy opowiedziol mi ta historia i razem wybralimy sie do bracika od Bernata.