Hyjdla

Strona główna Ulica Warszawsko Ulica Kościuszki Drapacz chmur Piyrwsze austelungi Piyrszy cug Piyrszy murowany kościoł Piyrszy kościół katolicki Ulica Mickiewicza Piyrsze gimnazjom Fliger Rynek Bóżnica Huta Baildon Dziynkujemy Witom bergmonow Park Kultury Radiski zasioł i dymka nasadzioł Jak momy żyć Ulica Francusko Momy feryje! We jednyj ziemi lezom Muchowiec Piyronowo gripa


Spotkanie u Hyjdli ze "Ślonskiego Berania" na antenie Radia PLUS - Posuchejcie !

Katowice 08.03.97    

Moi Roztomili!

Co byście naszo fajno ślonsko godka nie zapomnjyli, naszkryflom Wom krotki listek.

U nos we Katowicach sie wiela zmjynioło i furt cosik nowego sie widzi. Stare domy, co to je jeszcze za Winklerów i Grundmana postawjyli tera pjyknie na nowo łobciepali i dopjyro tera idzie łobejrzeć jak to sie downiyj ludziska starali, to co inkszego jak te nowe graniaste kszynki. A to jakoś gowa przyłonaczono, a to jakisik gzims na łozdoba, abo jake kwjotki ze kamjynia nałobkoło okien. Ludzie stojom, gymby rozdziowiajom, mało co im gybis nie wyleci.

Tretuary wszyndy wyrychtowane, żodyn nie bydzie jusz kromflekow łomoł. A geszefty momy tysz fajniste, kejby w Hameryce, idzie tak bez cołki dzień łazić i łoglondać.

A biercie na tyn przykłod tako poczta. Chałpa ta sama, ale jak sie wlezie to asik łocy porazi, som mesing i marmury a wszysko sie blyszczy jak by to ftoś sidolem wypucowoł. Łokiynka tysz gryfne, a wszyndy małe szezlongi ze siwyj skory aże by sie chciało na nich sie kantnonć. Nie chca Wos za bozna robić, ale za pora lot nie poznocie nasze Katowice. Przyjeżdżejcie ludkowie a nie pożałujecie.

Pyrsk
Waszo Hyjdla