Beczka na Kubalonce

Strona główna wróć

Wisła, 14 kwietnia 1998

Beczka na Kubalonce

Moi Roztomili

Jak pojedziecie autym abo autobusym do Istebnyj abo do Koniakowa to musicie jechać bez Kubalonka. Wiedzie na niom tako łokropnie pozawijano droga a nojwiynkszy zakrynt we połowie nazywo sie ponoć "jenzyk teściowej" (taki pieron łostry).

Jak już bydziecie na wiyrchu to podziwejcie sie na tyn domek na parkingu co na nim jest napisane "Bar pod Beczkom". Myśla, że niyroz żeście tam byli i piwo ze beczki piyli. Ale czy wiycie skond sie łona tam wziynła?
Jak we roku 1930 kończyli budować droga do Istebnyj, łoroz na Kubalonce pokozała sie wielgo beczka w keryj sprzedowali zimne piwo a tabula nad beczkom "Browar Zamkowy w Cieszynie" zaroz godała wto ta beczka postawioł. Turyści co łazili tendy na Baranio Góra abo na Stożek łokropnie sie dynerwowali, że wto to widzioł we takich piyknych górach postawic tako szpetno buda. Zarzond Główny Polskiego Towarzystwa Tatrzańskiego (bo PTTK-u jeszcze wtedy niy było) napisoł pismo do wojewody ślonskiego Grażyńskiego, coby nakazoł beczka ściepnonć. Pon Wojewoda obiecoł sprawa załatwic. Jednako wojewoda niy znoł sie na górach, abo browar cieszyński mioł takie "chody", co ta beczka niy zlikwidowano ino jom schowano do takiego pawilonu kery do dzisioj stoji.
No i dobrze, bo kaj by my sie dzisiej na Kubalonce piwa napiyli?

NA01159A.gif (1012 bytes)

okladka.jpg (20002 bytes)Jeżeli wybrałeś Ustroń lub Wisłę jako miejsce Twojego wypoczynku , w przewodniku tym znajdziesz opisy kilku interesujących tras spacerowych.
Franciszek Drewniok
- współautor

 

Pozdrawiom Wos

Francik

Pyrsk!