Celijka, Selijka, Cecylia, Cela

Strona główna

Piwknie witom wszystkich Krzynkowiczow,
szczegolnie zas tych, co se tak do serca wzieli to moje mianowanie...
Musza pedziec, zech sie nie spodziewala, ze sie fto zainteresuje moim imieniem i ze skuli niego sie te
Moje Kochane Chopcy Krzynkowcy powadzom i fto wie, moze i sie pobijom.
 
Som jednak tego dobre strony- jakos Muza miendzy nich wstompila i dzienki temu wadzeniu piekne rymowanie powstalo. Dzienkuja!!!!!
Jakos nigdy nikt dlo mnie niczego nie pisol a teroki tela tego, ze ni moga sie otrzonsonc. Uf!
 
Pieknie dzienkuja i jak sie tylko spotkamy, to kazemu, co sie tak mojom sprawom przejon, WIELKIEGO KUSIKA obiecuja.
 
Ale powiedzcie sami, co jo mom terozki zrobic?
Wszystko mi sie podobo - Selijka- piekne miano (nawet se lij kaj chcesz abo i nie), Marcela - pieknie bo lonczy mnie z moim ukochanym mezem (Marcin + Cela = Marcela), Celusia (cel USiA abo USA) bardzo slodko ino czy nie za slodko, moze fto nie lubi do lobcej dziolchy tak slodko godac...
 
Proponuja, ze jeszcze do konca maja se byda miec Cela (tak jak w doma na mnie godajom), a potym, jak emocje opadnom, to Wam powiem, jak bydzie. Zgoda?

 

Witom
ZM nie zgodzom sie......
Byda sie biyl jak lew o moja propozycjo ale yno w tym liscie bo zarozki koncza i wylatuja. Wiym lew tak nie postympuje......
 
Hmmm..........
                    Selijka brzmi
......je jak sekret Oriyntu pelne wdziynku i skrywanych romantycznych historyjii o kerych kazdy czytol, marzyl jak byl kiedys bajtlym.
......pelne oriyntalnych zapachow (impir, cynamon, korzyni, mango) kere przipominajom Ci szpacyr po targowisku w Bagdadzie abo w inkszym miejscu kaj zes poszel kupic yno zapalki a prziszeles nazod ze stoma inkszymi rzeczami.
                     A te brzmiyni
..... je jak szum oceanu kerego suchosz siedzonc po palmami w cieply wieczor popijajonc zimne piwo z browaru rybnickigo
..... je jak chlodny powiyw wiatru o zmiyrzchu po dniu pelnym hycu
..... je jak mrozono kawa u Gerarda w dziyn pelny hycu.
..... je jak Francikowe opowiesci o gorach
......delikatne "S" w imiyni Selijka je piykne jak "S" we slowie Silesia. Zapowiado wypowiedzyni slowa o magicznyj tresci, jak kebys wypowiadol zaklynci otwiyrajonce bramy jakigos zapomnianego skarbca (co zapowiado ze wszyski listy pisane przez Selijka do Slonskij Skrzinki bydom ciekawe). 
.....a ogiyn tyz w nim je ale taki romantyczny kery delikatnym blaskim oswiytlo yno pora metrow wokol niego a dalij je ciemnosc ale tak glymboko ze wyraznie widac gwiazdy na niebie.
                    A osoba skrywajonca sie pod tym imiyniym
......moga se yno wyobrazic oczy..... potrafionce zniewolic kazdego kery na nie patrzy, ......pelne tajymniczosci a i tyz dystansu (no ja ale jo miyszkom w Toronto a Selijka na Slonsku wiync o dystansie moga se pisac)
                    A kolor oczu
..... taki o kerym kazdy sni ( W przipadku znajoncych sie na plikach graficznych podowom wartosci do odtworzynio na ekranie komputera przi pomocy programow do obrobki zdjync : R  71, G  57, B  53 )
 
Mirek :-))

 

witom witom
fajnie to lopisol tyn Mirek imie Selijka, ale coz s tygo kiej jo niy je przekonany. fakt co musza sie zgodzic ze imie to je delikatne i pylne tajemniczosci i loriyntalnygo wdziynku ale tu musza sie ni zgodzic Mirku s Tobom a zaroski wytuplikuja potrzamu. moim zdaniym to imie niy pasuje do do dziolchy kiero mo zamiar pisywac do Slonskij Krzinki co tera wytuplikuja. 
Selijka brzmi orientalnie zgodzom sie ale orientalnosc przinosi mi na mysl te piykne maluckie mode Tajlandki u boku rubych starych i szpetnych chopow kiere muszom udowac ze jeich kochajom ( moze i kochajom ale niy byda sie w to wdowol) co juzas mi sie kojazy z wykozystywaniem a my przeca niy chcymy wykozystywac Selijki pra? a jak zech je przi wykorzystywaniu to som piszesz co scioles kupic ino zapalki a kupiules  polno innygo pieronstwa a tego mom nadzieja Selijka nom wcisnonc niy sce pra? A brzmiynie zwodzi szumym morza lobiecujac ukojynie ale coby sie naprowda ukoic  musisz slepac rybnicki browar... i pic mrozono kawa u Gerarda i mimo piynknych egzotycznych widokow  blondzic fantazjom po rodzimych krajobrazach... w delikatnym S Selijki niy widza nijak podobiynstwa do S Silesia  bo silesia wcale niy brzmi dlo mnie tajemniczo i delikatnie,slowo to je lotwarte, szczere, dumne i pokorne zarazem, zahartowane doswiadczeniami swych synow i corek ( niy zapominajonc lo lojcach  matkach i starzikach) a mimo to miekkie przytulne w kiere chciolbys sie przitulic co  niykierym sie udo ale niystety  wielu  bydzie musialo sie przitulac kajs na lobczyznie. tajemniczosc i magicznosc to je cos co je niy do konca poznane i lod czygo sie niywiadomo czego mozna spodziywac i czowiek niygdy do konca niy wie na czym stoi i czego sie mo trzimac i poco kajs szukac zaklyntych skarbow kiej lodczasu do czasu te skarby same di cia przichodzom wystarczy ino przicisnonc senden i empfangen( ni wiem jak to je napisane na polskich i innych egzotycznych kompurtkach). a co to za logiyn kiery ino loswiytlo koniec wlasnygo nosa? przi takim logniu to sie nawet logzac niy idzie jo taki logiyn znom lon je wtedy kiedy sie poli mokre abo spruchniale drzewo..  Som piszesz Mirku co za takim imiyniem sie ino skryc mozna a losoba kiero sie skrywac musi... co moze pedziec, niy godajonc lo pisaniu, ciekawygo? Mosz prowda wtedy lepij trzimac dystans a nojlepi jezeli sie go mo...  a zdradz mi tajymnica skond wiysz lo jakim kolorze loczu jo snia? jo bych chciol sie tygo tysz nauczyc! 
a tera do imiynia 
SELIJKA
co mi to przipomino
mnie sie to kojazy z daniym polnyj swobody losobie lo tym imiyniu, co juzas mi sie podobo, w mysl starogliwickiego powiedzynio:  rob co scesz i SE LIJ KAj popadnie. co zas niy je takie trudne zwlaszcza po paru blond (jasnych).abo jeszcze lepij: dej mi pokoj i SE LIJ KAj scesz a mysla co Selijka nom tu niy chce loc wody bo jo juz to tu robia pra?
inakszy je z imiyniem Marcela ale niych sie Marcela sama wypowiy...
niy wiem czy zes sie z krzinki wypisol wiync na wszelki wypadek wysylom kopia tyj emilki do cia na priv. i mysla coch inkszych niy zanudziul
pyrsk ZM 

 

Moji Rostomili Ludkowie !
Co to za dziwaczne miana chcecie dowac Celince ?
Jo proponuja po swojsku CELUSIA.
Tak my za bajtla wolali na jedna gryfno frelka w szkole, kero sie Celina nazywala
Pyrsk ! UTOPEK.

***

...a tera ( bo mi zabraklo Mirka) powadza sie z Utopkiem.

rostomily (czitej przebiegly) Utopku fajnie je cos sie przilonczul do naszygo lonio wody.
jak na Utopka przistalo to musisz miec w tym jakis cyl i to napewno niy je tyn kierys podol bo jakby sie to miolo zgodzac to bys Utopkiym niybol. wszyjscy wiedzom a zwlaszcza bajtle co Utopkowi niy trza wierzyc bo stygo nic niy byndzie dobrygo dlo tygo kiery uwierzy. wiync jo sie niydom Tobie zwiesc bo jo Sie na Utopkach znom a jeszcze co inksze, to jo Cia rozszyfrowol i tukej sie dziwisz. pierunie co tyn zas tukej fanzoli? no mozno to sie tak wydowo ale jo to wytuplikuja. To ja colkiym proste. trza ino sie skapnonc co moze byc za tym mianym Ceiusia ukryte i juz kozdy bajtel sie skapnie lo co sie Utopkowi rozchodzi. Jeszcze nie? no to juz godom .
"bier na CEL USIA" . no i tera je wszystko jasne i mysla co sie nikt na to chycic niydo.
ino jedno je dlomnie niy jasne, jako Usia mo na cylu Utopek? eli by to niy bula ta Usia z Hameryki? bo inkszo mi na mysl niy przichodzi. jak je to lona to tera wiy i sie bydzie miala na bacznosci a jak bydzie sciala to niy ale to jejij sprawa. jo sie mysla co Marcela/Marcelina/Selijka sie tysz na to niy chyci.
pyrsk ZM

 

Witom Was piyknie Rostomili Ludkowie !
Pozdrowiom Was piyknie jak dycko poradza,
Ale mom jedna dlo ZM-a uraza.
Czamu sie symnom powadzic mosz ochota ?
Przeca to wcale niy piykno robota.
 
Widza, ze tymu  ZM to musi brakowac yno: Powiec !
 Pamiyntom, ze kedys "ZMP"w kozdym tymacie szukalo dziury.
Zeby ratowac wlasnyj skory.
Moj ty Szwajcarski "Janosiku",
Utopka zes ruszyl na calego,
Chyba se sprawy niy zdowosz z tego?
Wiela zes przi tym narobiyl krziku !
Utopek mo cosik do pogodanio,
Bez  to  sie chyciol rymowanio.
 
 
Oda do "ZM-P"
 
 Bo loni byli juz takij natury,
Ze dycko w calym szukali dziury !
Cel mieli sluszny, ideja rowno,
Roz wdepli na kwiotek,
A roz na  g...o. !
Toz teraz wcale sie niy dziwuja,
Jak sie od bajtla Utopkiym Mianuja.
Ze to co drugim sie fest podobo,
Lonym sie na nic niy nadowo.
To co niy wymysli ZM - P,
Na wieczne czasy bydzie zle.
Takij natury Utopki ni majom,
Ze zaroz Cel Usie se wybiyrajom.
I byda sie spiyrol do upadlego,
Ze przi tym niy myslol zech se nic zlego!
Celusia mi sie podobo fest !
I niych juz tak bydzie, skoro jest.
Co zas do Usie, to inkszo sprawa,
Tukej juz konczy sie zabawa.
Te miano jedna dziolcha nosiyla,
Kero piyrszom milosciom mojom byla.
Do miana tego slabosc wielko mom,
I tu zes trefiyl, recht ci na to dom.
A reszta niy prowda moj "Majorze"
Taki zech nima, unosza sie w honorze.
Utopki zas niy som takie chachary,
Ze dycko inkszyj -
Szukajom szpary !
Skoro juz godom Celusia jest piyknie,
Koniec  W A D Z Y N I O !
Mie to juz styknie.
Utopki kochajom  cie Celusia
I niy dej sie zbamoncic,
Od jakigos ZM - usia !
Tak moj ZM-ie, Przi tym zostana,
Jak niy wierzisz ?
Spytej sie Bogdana.
 
Pyrsk ! UTOPEK

 

Piyknom mnie odom zaszczyciul Utopek
niy szczyndzonc w kozdym wersie trzech kropek.
Widziol kto  kiedy takiygo utopka
coby niy przewrotnom bula jego godka?
I choc sie zwijo, prynzy i krynci
to mie urokiym  w glymbiny niy znynci.
Jo niy zapomna przestrogi stary,
coby utopkom niydowac wiary
jedno mie dziwi a wreyncz dotyka:
po co lon miyszo w to polityka?
Dyc czlek rozsondny lo tym niy marzy
bo juz niy jedyn polityk sie w piekle smarzy
Jaki wiync cyl mo, kto mi to powie?
Jaki lon podstymp skrywo w swej gowie?
A moze wszystko to mi sie zdaje?
Moze Utopek tak ino baje?
Kto go rozgryzie? Kto poprze Zbysia?
mom wielko nadzieja ze - MARCELISIA!
 
Jo Ci wiync radza,  dzis Utopku stary
schowej sie lepij kajs we szuwary
Bo bajtle dzisioj som  fest uczone
i sie kapujom kiej som kuszone
I na nic sie niy zdo przebieglosc Twoja
bo tak czy tak prowda je moja
jak mi  niy wierzysz to lopusc porymba
i sie lobejrzyj w Galeri ma gymba
Lona ci powiy co jo za typek
i bydziesz wiedziol co niymom trzech klypek
ale niy szkodzi, niy wszyjscy majom
bestusz sie cingiym ino wajajom.
Ale jusz koncza i powiem tela
(bo pisac tyk bych mog az za niedziela) 
ze choc we kiscie chaja za chajom
to ciyngiem tukej sie ludzie przajom
Wiync prosza piynknie i w dobryj wierze
o trocha humoru bo szkryflom szczerze...
 
ZM no powiec

 

* * * Rymowanie, przezywanie * * *
( Za balek wciskanie )
 
Widza, ze swadzie niy bydzie konca,
Juz coroz mynij w tyj putni slonca.
Jedne malutki miano Celusia,
Dzwigo do gory stopnie Celsjusza.
Major z Utopkiym sie przeciongajom,
I sztyjc marasym na sia ciepajom.
Ale osadzcie Ludkowie sami,
Czy to nima piyknie w tyj putni z nami.
Co by to byla za nuda wielko,
Keby niy tako gadzina wszelko.
Mosz recht ZM-ie, ze polityka,
Robi z czlowieka czasym (......) braklo slonskigo rymu
Raduja sie za to z takich "Majorow",
Kerym jest niy brak, poczucio humoru.
Wazne, ze w skrzince sie fest przajymy,
Ale do tego potrzebne som rymy.
 Zeby za balek czasami sie wciskac,
Bo tu niy idzie, prac sie po pyskach.
Toz jaki moral z tego wyniko ?
Niy chwol sie w putni politykom.
A ze Utopki czerwone kaboty majom,
Przez to sie radzi z tego nabijajom.
I tu sie konczy colko ta swada,
Na bezrok juzas do Wisly jada !
 
UTOPEK !