Ło bierońskiej betlejce z chopkami co sie ruszajom.

Jak se tak starzyk dzisioj siednie, po Godnich Świyntach w kościele w Bartku w bocznyj kaplicy z nojmłodszą wnuczką Wiką, co po babce Werce miano erbła, a poprzyglądo sie tym ludziom co oblegają betlejka kiero tam co roku jest stawiano, to sie nadziwić niy może tym nojmłodszym dzieckom kierym sie szyroko łotwarte łoczka aż śmieją do tego wszystkigo i bez końca rączkami pokazują łojcom to tu to tam, bo wszyńdzie sie coś ruszo. Uciechy co niymiara i widać, że łojcowie przyłażą z dzieckami łoglądać ta betlyjka niy ino z Bierunia i łokolicy, ale i przyjyżdżają z dalekich stron. Jeszcze niy tak downo chodziło sie tu ze swoją czelodką, a dzisioj…? Niy ma siły – czy sie chce czy niy chce przed łoczami stawają łobrozki.

/Podug strony kościoła św. Bartłomieja w Bieruniu/       bier_un



Komyntarze wyłonczone.

Wszystkie elementy graficzne, zdjyncia i teksty som chronione prawym autorskim należoncym do ich autorow!!!