Janek-Pszow / Wielkanocny galet

Written by Hanys on 31 marca, 2013

Wielkanocny galet

Do gynsi prziszła yntka
We Niydziela Palmowo,
Bo miała wielko chyntka
Chwolić sie taszkom nowom.

A gynś na nia wejrzała,
Podprzyła lewe kitko.
– Mosz na boloku ała,
Dyć ta taszka je brzidko.

Skuli gynsi fulanio:
Za dużo jedne słowo.
Godka do szkubanio,
Chaja momy gotowo.

Somsiedzko przijaźń citła,
Gynś yntki niy łodwiedzi.
Czy to je dobry przikład
Dlo cwergowyj gowiedzi?

Łotworzyły sie gały,
Finał mo akcynt mocny:
Dziepiyro sie spotkały,
W galecie Wielkanocnym.

Jan Kaintoch Wielkanoc 2013

 


Komyntarze wyłonczone.

Wszystkie elementy graficzne, zdjyncia i teksty som chronione prawym autorskim należoncym do ich autorow!!!