Janek-Pszow – Świynte dzióbki

Written by Hanys on 20 grudnia, 2011

Świynte dzióbki.

Co piyrsze Mateczka zrobiyła
Jak urodziyła Jezusika?
Czy siymiyniotka uwarzyła?
Najsamprzód dała Mu kusika!

Świynty Józef jak ujrzoł Dziecie
Wtulone w Maryja Dziewica,
Czy uwarzył karpia w galecie?
Niy! Piyrsze całowoł Ich w lica.

A pastuszki co pasły krówki
I na fujarkach gryfnie grali,
Prziniyśli moczka i makówki?
Kaj tam! Wszyskich łobcałowali.

Jak przidziecie nazot z pastyrki
Lećcie pod choinka do żłóbka.
Niy zaczynejcie od wyżyrki!
Świontecznego dejcie se dzióbka!

Jan Kaintoch

 


Komyntarze wyłonczone.

Wszystkie elementy graficzne, zdjyncia i teksty som chronione prawym autorskim należoncym do ich autorow!!!