Fojerman – Jo, ślónski synek

Written by Hanys on 12 stycznia, 2011

Jo, ślónski synek


Je na świecie tako ziymia,

Najpiykniejszo z wszystkich ziym,

Cudowniejszej nigdzi niy ma,

Kożdy z nas to dobrze wiy.


Sam je moja Ojcowizna,

Sam je mój rodzinny dóm

I z heróm sie moga prziznać,

Kaj korzynie moji sóm.


Ślónsko Ziymio ukochano,

Jo tak mocno przaja Ci.

Dziynkuja Wóm Tato, Mamo,

Zeście pokozali mi.


Ślónski pola, łónki, lasy

I kóminy grubski też.

Moga słóchać dycko naszych

Zwónów ze kościelnych wież.


Nie dej nigdy mi zapómnieć

Ślónskij mowy, ślonskich cnót,

Pómóż iś bez życi skrómnie

I przekroczyć Nieba próg.


A jak przidzie ta godzina,

Że odchodzić bydzie czas,

Weź ziymio swojigo syna

I do siebie przijmij zaś.


Fojerman

 


Komyntarze wyłonczone.

Wszystkie elementy graficzne, zdjyncia i teksty som chronione prawym autorskim należoncym do ich autorow!!!